مداح حجت الاسلام حاج سید ابوالحسن موسوی سوادکوهی
09111581055 abolhasanmosavi@yahoo.comمداح حجت الاسلام حاج سید ابوالحسن موسوی سوادکوهی
09111581055 abolhasanmosavi@yahoo.comنوحه امام حسین محلی مازندرانی
یا حسین – نورچشم فاطمه یا حسین – هسّه اَمه زمزمه هرچی که - تره ونگ هدیم کمه یا حسین یاحسین2 یا حسین - روح کائنات توئی یا حسین -کشتی نجات توئی حج توئی – معنی زکات توئی یا حسین – یا حسین تو همون حسینی که پیغمبر دوشِ بالا ته جا بِیه وتره دوش گیته ختم الانبیا گته حسین از من هسّه ومنمه ازحسین صحبت خصوصی نَیِّه بلکه بِیِه برملا یا حسین – ای تو معنی صفا پس ته جا- چه هکردنه جفا کوفیان- چه نداشتنه وفا یا حسین – یا حسین ته گنا چی بیه که ته جا اتی دپیتنه هر طرف که خواسّی بوری ته جلوره گیتنه همینا مگر ته جا نخواسّنه کوفه بهی پس چتی بَیِّه که ته سرراه ره بهیتنه تو مگر- زهرای ریکا نهی تو مگر – جان مصطفی نهی تو مگر - حجت خدا نهی یا حسین – یا حسین کوفیان مدّعی بِینه که مسلمون هسّنه یا حسین جان پس چتی اوره ته رو دوسّنه ته زن ووچون همه تشنائی دینه کربلا راسّی راسّی کوفیان چه کینه دار وپسّنه ته علی – اصغر اون طفل صغیر ونه مار- تشنائی نداشته شیر بجای – او وره بزونه تیر یا حسین یا حسین اگه کینه وعداوت داشتنه کوفی ته جا طفل شیره خواره که نداشت بیه هیچّی گنا حرمله دل نسوته چتی بیته نشونه وچه شیشماهه گلی ره با تیر جفا یا حسین – چتی بَوِینه رباب ونه دل بسوته بیّه کباب ندارنه دیگه اصلاً صبر وتاب یا حسین یا حسین یا حسین ته اصغره و ّسه همتا فدا بومی ته علی اکبره وسه همه سر جدا بومی اما ته یاورمی ته راه ورسم بیتمی ظالمان روبرو همتا یکصدا بومی دشمنون دوننه اما کیمی دوننه که اما کوفی نیمی یاور نور چشم علیمی یا حسین یا حسین یا حسین – نورچشم فاطمه یا حسین – هسّه اَمه زمزمه هرچی که - تره ونگ هدیم کمه یا حسین یاحسین2
