مداح حجت الاسلام حاج سید ابوالحسن موسوی سوادکوهی
09111581055 abolhasanmosavi@yahoo.comمداح حجت الاسلام حاج سید ابوالحسن موسوی سوادکوهی
09111581055 abolhasanmosavi@yahoo.comاشعار مازندرانی( دلگویه های محلی)
محرم بیمو قرار ندارمی به غیر از آه وناله کار ندارمی امه رسمه سیو جمه دپوشیم ونه شه سر وسینه ره بروشیم امه رسمه که ونه دسّه بوریم دسّه ره هر چی که رسم هسّه بوریم امه رسمه که طام پلا بپجیم طام پلا یاد کربلا بپجیم امه رسمه که جوشی خونی کمّی سینه زنی وهمزبونی کمّی قبول دارمی همه رسم ورسومّه خوانی هر کی ره بَوِّی گنه دومّه اگر دومّی چی اینجور بی هوا می؟ چه از اهداف عاشورا جدامی؟ حسین بن علی هکرده قیام ِپرِسّائه برای دین اسلام بدیه دارنه دین از دست شونه نمونسّه دیگر از دین نشونه شما فکر کنّی که دشمن ندونّه چهارشنبه روز نماز جومه خونّه! چه معنا دارنه این حرکت ندومّی؟ دشمنِ نقشه ره آیا نخومّی؟ امیرالمؤمنین ُبونه شرابخوار؟ معاویّه بِتّونّه بوئه دیندار؟ یزید سگ بازه، مثل سگ نجسّه ونه میمون ونه دم تن دوّسه وه دارنه ادّعای رهبریت گنه من بر حسین دارمه مزیّت حسینی که از اصحاب کسائه حسینی که وجود مصطفائه حسینی که محمّد(ص) ره مثاله سراپا روح تقوا وکماله وه خوانه از حسین بیعت بهیره که بیعت از همه امّت بهیره خوانه بیعت بهیره دارنه منظور یزید خوانه حسین بوئه ونه جور که دین مصطفی بیرنگ َبوِّه که بر دیندار عرصه تنگ َبوِّه حسین ساکت ننیشته نینه آروم که زحمتهای جدّش بهو وه گوم همه گنّه حسین ، یزید پَسته شقیّه ، ظالمه، همیشه مسته یزیدِ جا نکف وه بی حیائه تو حسینی ، وه از نسل زنائه وه مردمّه خرینّه بونی تینار تو تینار مونّی وته کار بونه زار دونّی اما م حسین چی کار هکرده زمسّونّه آقا بهار هکرده قیام هکرده ، شه خون ره هدائه شه یارون، شه جوانون ره هدائه ونه مال ومنال بهیّه غارت بوردنه زن ووچه در اسارت زن وچه اسیرََ نُو عزادار همه در دست نامحرم گرفتار زینب عزادار هسّه یا من وتو؟ که روزِ دشمنّه هکردبیه شو به دشمن گنه که هرچی بدیمی خدا جا غیر زیبائی ندیمی اما پیروزمی ، فردا ره ویمّی فردائی هم دره ،شماره ویمّی دشمنه تنّه لرزه دمبدائه اَره بشناس ، وه زهرای کیجائه عزا داره ولیکن خطبه خونّه زبان امر به معروفّه دونّه زینبه دل پره از غصّه وخون عزا داری ره یاد بیریم عزیزون عزا داری ونه بوئه جهت دار جهت که داشته برمه بونه زار زار عزا گیرمی که هدف ره بدونیم امام زندگانی ره بخونّیم ونه راه و روش ره یاد بهیریم ونه جور زنده بوئیم وبمیریم محرّم باعث روشنگریه محک برای خوبی وبدیه دِ صف دارنه محرّم ، حقّ وباطل دِ دسّه هسّنه، عاقل و جاهل گروه عقل با دینه موافق گروه جهل نینه جز منافق مسلمانی که مؤمن هسّه دیگر نیارنه حرف روی حرف پیمبر هر کی پیغمبرّه ایمان بیارده مسلّم ایمان به قرآن بیارده امه الگو امه پیغمبر اسّه امین اسّه امه تاج سر اسّه هرچی ره که بوته حرف خدائه خدای جا محمّد که(کی) جدائه؟ حسین حرف محمد ره بزوئه کلامات سر آمد ره بزوئه من اگر دوس دارمه امام حسینّه قبول دارمه اما عالمینه ونه مه زندگی حسینی بوئه ونه مه الگو هم خمینی بوئه حسین بن علی ره که ندیمی ولی همه خمینی ره بدیمی اسا حیفه اِما بیراهه بوریم بهیم اون راهی ره که راهه بوریم خمینی بورده چلچراغ سر اِشته باغبونی برای باغ سر اِشته باغبون باغ دینّه پاسبونه امین از سوی صاحب الزمونه بهین تا باغبونِ یار بَوِّیم امام حسینِ السّر غمخوار بوّیم زنان اهل حجاب بوئن همیشه مردم پا در رکاب بوئن همیشه دراغ نوویم ریا کاری نداریم ِدرِس بُوئِیم نزول خواری نداریم بهیم تا مردم آزاری نکنیم جدا از کار دین کاری نکنیم خدا جا روزی حلال بخواهیم به جز حلال مال ومنال نخواهیم خدا جا د لِ مهربون بخواهیم دل یکرنگِ با زبون بخواهیم مسلمانونّه شه برار بدونّیم شه رهبر ره شه اعتبار بدونّیم اگر این جور بوئیم بومی عزادار وگرنه هسّمی همه گرفتار عزادار حسین مثل حسینه حسینه واری بوئه نور عینه تو هم ای «محسنی» مه حرفه یاد دار اگر عامل نَوِّی بُونی گرفتار
